السلام عليكم ورحمة الله وبركاته
راح أبدا في المشكلة باختصار
انا عندي وحده من زميلاتي في المدرسة قليلة ادب لأابعد الحدود
لدرجة انه لسانها طويل مع المدرسات ومع كل البنات وتستهزئ في الكل سواء مدرسات ولا البنات حتى انا ماسلمت من شرها, رايحه في حالي بس تشوفني طيبة وهادية تروح تستهزئ فيني وتعلق علي وتقوم تضحك هي وشلتها علي, وبصراحة ماعاد اتحمل تصرفاتها وقلة ادبها,
وعلى فكره صديقاتها يمشون معها يخافون منها واذا غلطت مافيهم وحده تقدر تقولها شي, لانها وقحه وماعليها في احد, وتغازل الشباب وجريئة معهم, واهلها مو دارين عنها
وانا بديت اتضايق كثير منها واتجنبها كثير عشان شرها وماتركتني في حالي,
وش السواه معها؟؟؟
…
إذا استهبلت قولي لها معليش أنا ما أتحملك ولا أبيك تمزحين ولا تعلقين على شي فيني أو يخصني ولا تضطريني أخبر الإداره مانفع ردك هذا بلغي وقولي مابيها تحكي معي نهائيآ ولو استمرت بياخذون تعهد عليها ، بس أهم شي البرود والهدوء
ثانيا: طنشيها واذا ما تقدرين اشتكيها للاداره وهما يتصرفوا
انا اقولك حبيبتي اكثر اسلوب يقهر اللي حولك (التطنيش) كانه مافيه احد سولفي مع البنات كانها ماتتكلم وروحي سوي اي شي وهي تسبك هي بتنقهر ولاتقدر تسوي شي طنششيها واذا تكلمت تجاهليها وجيبي اي سالفه وقت ماتتكلم عشان تحس انها مالها قيمه ورخيصه
الله يوفقك ويسعدك ويحميك من بنات السوء
وعليكم السلام ورحمة الله وبركاته 
جمييل جداً انك عزمتي تحطين لها حد مااحب اللي يسكت 
كل شيء عندي ولا الاحترااام اهم ششيء !
عن نفسي لو ماعجبني شيء ع طول يبين بوجهي
واعطي نظره هههه =p
المهم كل ماعليك ياعزيزتي وبكل بسساطه 
اذا ذبت عليك ردي عليها بكل عفوية وعادي
قولي لها عييب هالحكي ! وانا مااسمح لك تذبين علي
احترمك ف لابد تبادليني الاحترام =)
وانا ماقربت صوبك ف كفي لسانك عني الله يهديك
والوجه من الوجه ابيض
يعني حكي زي كذا " يردع " وبادب وصوت هادي
وحتى لو حاولت تخوض معك نقاش او تستفزك لاتعطيها مجال
المهم رساله وصلتي لها انك متضايقه و تبين الاحترام المتبادل وبس
وانتِ شكلك ماشاءالله مسالمه واسلوبكِ هادي فالتعامل
وخبرينا شو يصير معكِ ياأمر 
