كيكة الشطرنج~~بتغطية الفوندان~~ تطبيق للغالية بيلسان
مرحبا ياامورات
جربت الفكرة يلي بموضوع العزيزة بيلسان{كيكة الشطرنج} طلعت كتييييييييييييييييييييير حلوة كمنظر واما الطعم طلع حاجة تانية انما ايه جنان<<<قلبت مصرية
اولا شي هاد رابط الموضوع الاخت بيلسان مع كل الشكر لها على هل الطريقة الحلوة~~
ӨөӨ كيكاتى لأحلى حبيباتى ӨөӨ
بصراحة انا مابحب اعمل الكيك كتير ..بفضل انواع حلويات اخرى~~لكن هل المرة تشجعت
انا عملت كيكة اسفنجية ابيض وبني{شوكلاتة}
عملت كل طبقة لحال لتجنب تقسيم الكيكة
المقادير:
5بيضات,فانيليا,برش برتقال,كاس طحين,نصف كاس زيت نباتي,نصف كاس حليب سائل,سكر حسب الرغبة
يضرب البيض والفانيلا والسكر>>حتى يصير خفيف وكريمي~~
تضاف باقي المقادير وتقلب بهدوء
نضع كمية قليلة من الخلطة وندخلها الفرن…
{كل كمية بتعمل صينيتن من الحجم الوسط..شوكلاتة وسادة}
بعد ماتبرد…نقطعها حلقات بواسطة صحن<<نصيحة بيلسان اسهل من الورق وخلافو
وبنطبق مرة ابيض ومرة بني وندهن بين الحلقات بالمربى
انا استعملت حشوة التارت طعهما يجنن
وهلق بنجي للتغطية~~عملت عجينة الفوندان
لاول مرة…الصراحة كانت روعة..بس ماقدرت استمتع بالتفنن بالاشكال لانو ابني الصغير غلبني
المقادير:
مارشميلو كوب تقريبا
نصف فنجان قهوة شراب الذرة
نصف فنجان ماء
الوان اطعمة
سكر بودرة تقريبا كوبين
زبدة للدهن
الطريقة
نذوب المارشميلو على حمام بخار مع اضافة الماء
بعدها نصبه على ورق الزبدة..نضيف شراب الذرة
ونحرك لما يثقل شوي
نبدا نحط بالسكر ونعجن
وبعدها نضيف الالوان المرادة بواسطة عود اسنان~~
نفردها على حسب الشكل المطلوب
هي بتغل بالفرد بتضل تلصق ولتفادي هي المشكلة ندهنها بالزبدة وقت الفرد
واليكم شكل كيكتي الحلوة احم احم
بالنسبةللمرة الاولى بعمل عجينة للتزيين..كانت حلوة كتير وطعمها لذيذ كتير احلى من عجينة السكر~~والتحكم فيها سهل
رح ارجع اعيدها لكن بحركات احلى باذن لله
الكيكة هي اهداء للغالية كول كير….بما انه طلبت من زمان اعمل نوع كيك ونزله~~
كل يلي حابة تجرب هل الكيكة ..انصحها وبشده هههههه بصراحة ماصدقوا ضيوفي اليوم انو شغل بيت:)
الى لقاء جديد
