الوسم: الشيف

السلام عليكم ورحمة الله
ده اول موضوع انزله من وقت عيد الفطر
كيكة النسكافيه لعشاق النسكافيه خفيفة وظريفة وطعمها حلو
المكونات:
2 كوب دقيق
ملعقة صغيرة بيكنج بودر
كوب سكر
4 بيضات كبار
فانيليا
نصف كوب زبدة سايحة
نصف كوب حليب
2 ملعقة كبيرة نسكافيه
مكونات صوص النسكافيه:
ملعقة كبيرة نسكافيه
ملعقة كبيرة جيلاتين بودرة متدوبين فى شوية ميه
ربع كوب حليب
3 ملعقة كبيرة سكر
واخر مكون للتزيين هو الفستق المطحون
الطريقة
هنحط السكر والبيض والفانيليا مع بعض فى اناء

ونضربهم بمضرب البيض

ونضيفلهم الحليب والزبدة السايحة ونضربهم واخر حاجة نضيفلهم الدقيق والبيكنج بودر والنسكافيه

ونضربهم بالمضرب لغاية مايمتزجوا

ونحط الخليط فى صينية مدهونة

وندخله فرن حرارته هادية لغاية ما الكيكة تستوى

قلب الكيكة على طبق التقديم ونسيبها تبرد وعلى ماتبرد نحضر صوص النسكافيه

السلام عليكم ورحمة الله
بدأنا ندخل على الجو الحار فمن الاسبوع ده ان شاء الله هبدأ انزل وصفات المثلجات والوصفة دى بالفراولة مناسبة للصيف والحقوا اعملوها قبل الفراولة ماتخلص من السوق والوصفة دى اخدتها من الشيف/نرمين هنو على قناة فتافيت

المكونات:
17 قطعة خبز توست(ممكن يزيدوا او ينقصوا)
3 كيلو فراولة
كيلو سكر
4 معالق صغيرة جيلاتين بودرة مذوبين فى قليل من الماء البارد
الطريقة
قبل الوصفة بيوم هنحط الفراولة والسكر مع بعض فى حلة كبيرة ونحطهم فى التلاجة عشان الفراولة تجيب ميتها

وبردو قبل الوصفة بيوم هنقطع اطراف العيش التوست ونحطه برة التلاجة عشان ينشف

تانى يوم هنطلع الفراولة من التلاجة هنلاقى السكر معظمه داب والفراولة بقت فيها ميه كتير

هنشغل عليها نار هادية لغاية ماتدبل وقبل مانطفى هنضيفلها الجيلاتين اللى متدوب فى ميه ونقلب ونطفى

وهنجيب اناء حجمه متوسط وهنغلفه من جوه بالكامل بالكلينج فيلم ونحط فى قاع الاناء وفى الجناب العيش التوست اللى نشفناه

وهنغرق الخبز التوست بالميه اللى طلعت من غلى الفراولة وبعدها نحط فى وسطه الفراولة لغاية اخر حته فيه يعنى نملاه

وهنحط فوق الفراولة بقية العيش التوست وعليه مية فراولة واحنا نشفنا العيش التوست فى الاول عشان لما نحط عليه مية الفراولة ميتقطعش

ونغطيه من فوق بالكلينج فيلم

وعشان يتماسك هنحط عليه طبق تقيل وهنحطه فى الفريزر لمدة يوم كامل
بالنسبة للفراولة ممكن تكونوا شايفين ان 3 كيلو كتير بس هى يادوبك مش كتير ولا حاجة خالص لأن الكمية بتقل بعد مانغليها
والجيلاتين البودرة متوفر فى اى محل بيع خامات حلويات ولو ملقتهوش ممكن تستبدلوه ب2 باكيت جيلى فراولة
قلبتها بعد ماجمدت على طبق التقديم وزينتها بور مجفف وده شكلها النهائى

السلام عليكم ورحمة الله

الصراحة انا قبل مااعمل ايس كريم التوفى دورت على طريقته على النت فى مواقع عربية واجنبية ولقيت طرق كتير فيه طرق فيها بيض وفيه طرق من غير بيض مخدتش طريقة منهم وافتكست طريقة مع نفسى فى البيت والحمد لله نجحت وطلع طعمها روووووووعة

واليكم المكونات:

كوب حليب

2 كوب فريش كريم

فانيليا

كوب سكر

نصف كوب مياه

4 ملعقة كبيرة زبدة طرية

الطريقة:

فى اناء هنحط كوب واحد فريش كريم ونخفقه بمضرب البيض لغاية مايغلظ

ونضيفله الحليب والفانيليا

ونقلبهم مع بعض ونعمل صوص التوفى
هنحط السكر والمياه فى كسرولة على النار ونسيبهم يغلوا مع بعض

وهنا بدأ لونه يتغير

بعدته عن النار عشان ميتحرقش لما وصل للون الدهبى وضفتله الزبدة والكريمة

وهنسيبه يغلى على النار وهيعمل فوران ولما نوصل للون والقوام المطلوب هنطفى النار

وهنضيفه على الفريش كريم والحليب

وهنقلبهم ونحطه فى علبة محكمة الغلق

ونحطه فى الفريزرونقلبه كل 4 ساعات عشان ميكونش كتل تلجيه

وقدمته تانى يوم لما اتجمد وده شكله النهائى مع البسكوته اللى عملناها مع بعض قبل كده

عملت السينابون بطريقتين مختلفين عن بعض بالنسبة لطريقة العجينة وبالنسبة لصوص التزيين والاتنين طعمهم احلى من بعض وانتوا عليكم تختاروا الطريقة اللى شايفنها اسهل بالنسبالكم
مكونات العجينة:
3 ونص كوب دقيق
بيضة
كوب حليب
ملعقة صغيرة خميرة فورية
ملعقة صغيرة سكر
ربع كوب سكر
فانيليا
4 ملعقة كبيرة زبدة طرية
فانيليا
مكونات الحشو:
سكر بنى(ممكن نستبدله بسكر ابيض)
قرفة
زبدة طرية
مكونات صوص التوفى:
كوب سكر بنى
4 ملعقة كبيرة زبدة طرية
نصف كوب فريش كريم(كريمة لبانى)
الطريقة
فى كوباية هنخلط ملعقة الخميرة الفورية مع ملعقة السكر

وندفى كوباية الحليب ونضيفهالم

وندوبهم ونسيبهم على جنب 10 دقايق يختمروا
وفى اناء هنحط البيضة والفانيليا والزبدة

ونقلبهم بالويسك او اى معلقة خشب

وفى اناء تانى هنحط الدقيق مع الربع كوباية سكر

ونخلطهم ونعمل حفرة فى النص نحط فيها كوباية الحليب والخميرة

ونعجنهم

ونضيفلهم خليط البيض والزبدة

ونعجنهم كويس لغاية ماكل المكونات تمتزج وهيبقى عندنا عجينة طرية وفى نفس الوقت متماسكة

ونسيبهم يختمروا لمدة ساعة

ونفردها على ترابيزة مرشوشة بالدقيق على شكل مربع وندهنها بالزبدة الطرية
ونضيفلها السكر البنى

والقرفة

ونلفها على شكل رول

السلام عليكم و رحمة الله و بركاته

كل صيف وانتوا طيبين وبمناسبة الصيف من الاسبوع ده ولغاية رمضان ان شاء الله هنزل وصفة ايس كريم كل اسبوع والمرة دى عملت بسكوتة الايس كريم فى البيت بطريقة سهلة جداااااااااااااا الكل يقدر يعملها وانا معنديش ماكينة الأيس كريم ومفيش اى مشاكل بعمل كل انواع الايس كريم وبتطلع احلى من الجاهز

مكونات البسكوتة:(اخدت مكوناتها وطريقتها من الشيف/أسامة السيد)
ربع كوب زبدة سايحة
نصف كوب سكر بودرة
2 بياض بيض
فانيليا
نصف كوب دقيق

مكونات ايس كريم الليمون:

بشر 2 ليمونة
كوب الا ربع سكر
نصف كوب عصير ليمون
كوب فريش كريم
كوب حليب
فانيليا
ملعقة كبيرة عسل جلوكوز (ممكن نستبدلها بعسل نحل)
الطريقة
اول حاجة بالنسبة للبسكوت
فى اناء هنحط السكر البودرة والزبدة السايحة

ونضربهم بمضرب البيض

ونضيفلهم بياض البيض والفانيليا

ونضربهم مرة تانية

واخر حاجة نضيفلهم الدقيق وبسكويت الايس كريم مفيهوش بيكنج بودر طبعا

ونضربهم بالمضرب لغاية ماتمتزج المكونات

وفى مقلاة تيفال هنحط نقطة زيت وناخد معلقة كبيرة من عجينة البسكوت نشكلها على شكل دايرة

وممكن نكبر حجمها حسب رغبتنا

هندخلها فرن متوسط الحرارة وبمجرد ان الاطراف تحمر هنطلعها من الفرن عشان نعرف نشكلها وهى سخنة

واول مايطلع وهو سخن هنحطه على ظهر كوب عشان يدينا شكل جميل ساعة التقديم

وممكن نلفه على شكل كورن وهينشف بعد التشكيل فى اقل من ربع ساعة
وبالنسبة لأيس كريم الليمون فى الفود بروسيسور هنحط عصير الليمون وبشر الليمون

والسكر وعسل الجلوكوز

والحليب والفانيليا

والفريش كريم

ونشغل عليهم على أقصى سرعة لغاية ماتمتزج المكونات والخليط يغلظ وهنحطه فى علبة محكمة الغلق
وممكن نعمل كل الخطوات دى فى الخلاط مش لازم فى الفود بروسيسور

ونقلبه كل 3 ساعات عشان ميكونش كتل تلجية

ونقدمه تانى يوم بعد مايكون جمد وزينته ببشر الليمون وده شكله النهائى مع البسكوته اللى عملناها

السلام عليكم
جبتلكم طريقة صنع الآيس كريم بالبيت
طريقة جد سهلة

تابعو هذا الفيديو

AdF.ly – shrink your URLs and get paid!

صحة وهنا

السلام عليكم ورحمة الله
المكونات:
كوب حليب
فانيليا
كوب فريش كريم
كوب الا ربع سكر
3 ملعقة كبيرة عسل جلوكوز(وممكن نستبدله بعسل نحل)
2 ملعقة كبيرة نسكافيه
نصف كوب ماء
الطريقة:

,*

تسسسلم الـآيـآدددي هذا وقت الايس كريم المنزلي ربي يسسعدكك على هذذي الطريقةه ,

السلام عليكم ورحمة الله وبركاته
النهرده جيبالكم طريقة بسيطة جدا لمحشى الكرنب للمبتدئات والعرايس وكل اللى مش بتعرف تعمله
المكونات
طبعا كرنبه
مقادير الخلطه
كيلو طماطم
بصلتين متوسطين
حزمتين كسبرة خضرا وحزمتين بقدونس
7 كوبايات رز
توابل للخلطة /فلفل-ملح-رشة شطة-بهارات-قرفة-كمون-كسبرة ناشفة
طريقة الخلطة
نغسل الرز كويس
نحط البصل والطماطم ع النار شوية وبعدها البقدونس
نطفى النار ونضيفلهم الرز ونقلب ويعدها نحط التوابل ونقلب
نيجى بقى للكرنبه
هتشيلى ورقة ورقة من الكرنبة وتحطيهم على الترابيزة
وقبلها تكونى مجهزة حلة كبيرة فيها ميه ومعلقتين كمون وفصين توم دى اللى هنسلق فيها ورق الكرنب

نغطيها ونسيبها تغلى ولما تغلى نحط فيها كل ورقة لوحدها لمدة نص دقيقة او اقل عشان متتقطعش منك فى اللف

ونشيلها ونحط اللى بعدها وهكذا لغاية مايخلصو
انا عنت الورق فى بولا فى التلاجه عشان مش هحشيه فى نفس اليوم
نيجى بقى للتقطيع
هتجيبى الورقة وتفرديها على طبق وتقطعى العرق التخين اللى فى النص

بعد كده هتلفى الورقة على شكل اسطوانة

وهتقطعى الاسطوانة دى
طبعا الكلام ده هتطبقيه على كل الورق

ما شاء الله وتبارك الرحمن يا شيف موني روعة تسلم اناملك ..

يمي يمي بجد يحتاج شغل وتعب بس الطعم ولا أروع ..