تجربتي مع المايونيز
|| يُثبّت الموضوع ||
ويُضاف إليه شعار التميّز ،
تقديرًا لهذا الإبداع الرائع..
وأتمنى أن يعود بالنفع والفائدة على الجميع..،،
بسم الله الرحمن الرحيم
السلام عليكم ورحمة الله وبركاته ..
حبيت انقل لكم تجربتي مع المايونيز وشعري اللي عذبني
والله يابنات ماخليت شي ما سويته لشعري حتى طبيب رحت
وكاني ماسويت شي
شعري خفيف من قدام بشكل ملفت يعني الفروه باينه
وانا قد سمعت ان المايونيز زين للشعر
فقلت خلني اجربه
والحمد لله اني ما ندمت ولا ضيعت وقتي على الفاضي
راح اقولكم كيف استخدمته
طبعا استمريت شهرين احط ما يونيز بشعري يومين في الاسبوع
وبعدين دخل الشهر الثاالث وبديت احط كل اسبوع مره وحده
وطبعا بعد ما احطه اغطي شعري بكيس واتركه ساعه او ساعتين
كثر ما تبين كل ما طولتي كل ما كان احسن
بس والله العظيم يا بنات انا بنفسي والله مو مصدقه النتايج اللي وصلت لها
احس كاني بحلم
الحمد لله الفراغات كلها تغطت الفروه اختفت طال شعري كل شي تحسن
وما زلت مستمره وماراح اتركه ابدا
واما على الريحه بعد ماتغسلينه ويبدا شعرك يجف راح تختفي
واذا حبيتي حطي خمريه او دهن عود اشوي مو كثير
بس حطي قطره دهن عود في راحت يدك وبعدين حطيها بشعرك
واصلا الريحه ما تبقى ابدا
هذي تجربتي مع المايونيز
والحمد لله ربي اللي اكرمني ونبت شعري
ودمتم في حفظ الرحمن
اذا عجبكم موضوعي قيموه
بصراحه لا ما يرطب الشعر
بس اول ما اطلع من الحمام انشف شعري بالمنشفه
وبعدين اجيب زيت عافيه او اي زيت موجود عندك ثلاث قطرات في راحت يدك وادهني فيها شعرك
وخليه يجف اشوي بعدين مشطيه ولميه
والله على ما اقول شهيد بعد ثلاث شهور استغنيت عن الاستشوار
وابتعدت عن الاحراج
لان كل ماشافتني وحده تقول حرام والله صرتي صلعه خلاص شعرك انتهى
بس الحمد لله ربي انه انعم علي بشعري ورجعه لي
اللهم لك الحمد والشكري يااارب
سادنة القمر شكرا لمرورك غاليتي
دمتي في حفظ الرحمن
احلام الدنيا الاروع مرورك اختي
ولكي مني جزيل الشكر على تثبيت الموضوع والتقيييم
دمتي بحفظ الرحمن