وداعــــــــــــــــــــــا x للريجيمــــــــــ x واهلا بالمقليات *_^
اهلا يا احلى بنوتات وسيدات
وحشتونى اووووى بقالى فتره مانزلتش مواضيع
معليش كان عندى ظروف بس الحمد لله على كل حال
اليوم هقدملكم عده انواع للبانيه
بانيه لحم وجمبرى وكلامارى وسمك وكوردن بلو ومخ
ابدأ بسم الله
الطبق الاول هو جمبرى بانيه وسبيط بانيه ايضا
المقادير
جمبري مقشر ومنظف (الكميه حسب عدد الاشخاض)
بصله صغيره
8 فصوص ثوم
فلفل اخضر
كمون ملح فلفل اسود
توابل سمك
للتغطيه
بيضه
بقسماط
معلقه نشا
زيت للقلى
الطريقه
يوضع البصل والثوم والفلفل والتوابل فى الكبه ثم يتبل بها الجمبرى لمده ساعه تقريبا ويوضع فى التلاجه
ثم تضرب البيضه مع النشا وقليل من الدقيق وتقلب مع الجمبرى
ثم يوضع فى البقسماط
ثم يقلى فى زيت غزير ويخرج على ورق نشاف
يقدم
فكره اخرى للتقديم مع الكابوريا المشويه
بالنسبه لطريقه السبيط فى هذا الرابط
اطباق اسماك بالصور مع دودو المصرية وبسسس
الطبق الثانى الكوردن بلو
المقادير
صدور دجاج مخليه
صويا صوص حلوة
ملح فلفل اسود
بيضه وبقسماط
زيت للقلى
الطريقه
بعد غسل الصدور تفتح مثل الجيب
ثم تتبل من الداخل والخارج بالفلفل الاسود والملح والصويا صوص
ثم تحشي جبنه شيدر ثم لحم مفروم مشوح مع بصل
ثم تغلق باعواد الشواء وتوضع فى البيض ثم البقسماط
يقلى فى زيت لياخذ لون ذهبى فقط
يرصو فى الصينيه ويدخلو الفرن حتى النضج
ثم يقدم
وللاسف الصوره النهائيه للطبق اتمسحت بالخطأ من عندى
بس لما تقطعيه من النصف تلاقي الجبن سايح وشكله يشهى
ممكن طبعا تحشيه لانشون مدخن او اى نوع تحبيه
الطبق الثالث اسكالوب بانيه (بانيه اللحم)
المقادير
شراح لحم (بفتيك)
بصل فصين ثوم نصف علبه زبادى ملح فلفل
ملعقتين خل تفاح ملح فلفل توابل ملح
بيضه
بقسماط
زيت للقلى
الطريقه
تتبل اللحم لمده ساعه فى التلاجه
ثم توضع بالبيض والبقسماط وتقلى بالطريقه المعتاده
يقدم مع البطاطس المحمره او حسب الرغبه
الطبق الرابع المخ البانيه
يسلق المخ فى ما مغلى مضاف له الملح والفلفل وبصله مقطعه حتى النضج
شكله بعد السلق
ثم يقطع شرائح
يتبل المخ المقطع ببصل مفروم ناعم وملح وفلفل ويترك ساعه
يوضع فى البيض المخفوق مع الملح والفلفل ثم فى البقسماط
ثم يقلى فى الزيت حتى ياخذ فقط اللون الذهبى لانه ناضج
يخرج على ورق نشاف
ثم يقدم
انا كنت عاملاه مع الممبار على الطريقه المصرية ان شاء الله انزلكم طريقته قريبا
الطبق الخامس هو السمك البانيه
وكنت منزله طريقته فى الرابط ده
السمك الفيليه والصوص السري بالصور (مطبخ دودو المصرية)
اتمنى اطباقى تنال اعجابكم
وشكرا لمتابعتكم
تحياتى
سلمت يداكي
واشتقنا لك …..
وانتي الصادقه اهلا بالمقالي والكلسترول
بس مافي احلى من القلي ….ادمان
اول مره اشوف المخ ينقلي !! ومنكم نستفيد
يا عيني والله عجبني الكوردن بلو كتيييير
والمخ هاي غريبة علي انو ينقلى فعلا
تسلم ايدك يا احلى دودو وان شاء الله ما تغيبي مرة تانية 🙂
