الوسم: البيتى

السلام عليكم
اقولكوا اعملوا عجينة الطعمية فى البيت ازاى تجيبى كيس فول مفصص نصف كيلو وتنقعية فى مياه لمدة 16 ساعة وماتنسيش تغيرى المية وبعدين تصفية وتقطعى بصلة صغيرة و3 فصوص توم كبير وقرن فلفل اخضر حار وشوية بقدونس وشوية كسبرة خضرا وتفرمية فى الكبة واللى ماعندوش كبة فى مطحنة التوابل بتاع الخلاط او محضرة الطعام ولو بتحبيها خشنة شوية مش تنعميها اوى ولو بتحبيها ناعمة زى مانتى عايزة
خلى بالك لما تيجى تسويها تحطى شوية كسبرة ناشفة وفلفل وكمون وملح ورشة بيكربونات الصوديوم وتقلبيها كويس وتقليها فى الزيت وبالف هنا

ﯛدي ﯛأحترآمـﮯلشخصـﮒ الرآئع ..

ازيكو انا من كم يوم عملت بسطرمه ولسه وكلها انهارده الطريقه بقا لحمه بتلو نص كيلو تتغسل كويس طبعا ونشفها كويس اوى ونشقها بالسكين اخرام صغيره ونغطيها بالملح كلها كويس ونغطيه بقماشه لتانى يوم وتانى يوم نمسح الملح بقماشه بنطقه ميه ونغطيها بشاشه بيضا لتانى يوم علشان تنشف من الميه وتالت يوم نخضر الخلطه وهى نص كوب حلبه مطحونه و3معالق كبيره بابريكا ومعلقه صغيره ملح وشويه شطه و5 فصوص توم وشويه بصل بورده وعلى الخلاط عطول وشوايه مياه علشان تكون عجينه طرايه شوايه وجربه وادعولى ربنا يتمملى على خير ونجوز انا وخطيبى السنه دى يارب مع السلامه وسوال انا عايزه انزالها بالصور اعمل ايه واصور بالموبايل عادى والا ايه ممكن تقوللى بالتفصل لو سمحتو بليز علشان انا عندى حاجات كتير عايزه اعملها واوريهلكم معلش هتعبكم معايا معلش

المشاركة الأصلية كتبت بواسطة عبسبوسه تسلم ايدك

ميرسى ياقمر بس فين الدعوه وكمان ازاى انزله بالصور وقولى بالتفصيل ومعلش

المشاركة الأصلية كتبت بواسطة روزالـيندا ما تزعليش يا قمر يا رب يوفقك مع خطيبك وتتجوزو بسرعه وانتي طباخه ماهرة وطريقه تنزيل الصور بدها شرح وانا داخله من الفون والا كنت حطيت لك روابط من المنتدى تشرح لك كيفيه تنزيل الصور ببساطة تامه بس بدي أسالك ليه يوم كامل تحطي اللحمة في الملح؟ وايه يعني بتلو ؟؟

انت شاطره اوى ممكن فى اى وقت تفضى فيه تدخلى تكتبهالى وانا اشوفها فاى وقت معلش اصلى فى حاجات كتير بعملها وعايزه انزلها علشان الكل يستفيد زاى منا بستفيد بردو صح والا لا

السلام عليكم ورحمة الله
بما اننا فى الشتا وبنستهلك كمية كبيرة من الحلاوة الطحينية فى فطارنا وعشانا ولسندويتشات اولادكم فى المدارس فقلت اوفر واضمن اننا نعملها فى البيت
ومكوناتها كالتالى:
3 كوب طحينة
3 كوب حليب بودرة
2 كوب سكر بودرة
مكسرات حسب الرغبة
الطريقة:
فى اناء هنحط الحليب البودرة مع السكر بودرة

ونخلطهم مع بعض ونبدأ ننزل عليهم بالطحينة بالتدريج

ونقلبهم بالمعلقة او بالمضرب السلك اليدوى هنلاقيها بقت زى حبات الرمل

وننزل عليهم ببقية كمية الطحينة بردو بالتدريج مع التقليب لغاية ماتخلص هنلاقيها بدأت تبقى كتل نقلبهم مع بعض كويس عشان المكونات تمتزج

ونجمعها ونحطها فى علبة وعليها المكسرات

ونحطها فى التلاجة لمدة يوم كامل عشان تتماسك وهى مش محتاجة اى مواد تثبيت زى زلال البيض او عرق الحلاوة او اى حاجة من دى هى متماسكة كويس
ونطلعها هتبقى جاهزة للاستعمال وبالنسبة لكمية السكر انا شايفاها مناسبة جدا انتوا ممكن تزودوها حسب رغبتكم
وهى موفرة جدا يعنى انا استهلكت اقل من نص كيلو طحينة والكمية دى وزنتها طلعت حوالى كيلو الا ربع حلاوة



وبدون مبالغة طعمها احلى بكتييييييييييييييييييييييير من اللى بنشتريها جاهزة
بالهنا والشفا

4- نأخذ الكمية المراد قليها والباقى نضعه فى اكياس بلاستيكية نظيفة ونخزنها فى الفريزر .. اما ما نريد قليه فنضيف اليها التوابل ويضبط ملحها ويضاف اليها ذرة من البيكربونات .
5- تقرص الطعمية وتساوى ويوضع على سطحها قليل من السمسم ويستعان على ذلك ببل اليد بقليل من الماء .
6- تقلى فى الزيت وتقدم ساخنة بعد تجميلها بالبقدونس.
وبالهنا والشفا

منقووووول

ويارب يعجبكم الطريقة وانشاء اللة تعجبكم ومستنية ردودكم

الله يعطيكي العافيه خيتوه